1st press release of Vice. Gov Solon

1st Press Statement of Vice Governor Steve Chiongbian Solon, Acting Governor, to the People of Maitum and Sarangani Province

“Wala pa man kita nakabangon gikan sa mga kalamidad nga mihapak sa atong lugar, aduna na usay laing pagsulay nga mihagit karon sa atong solidarity…

Adunay mga armadong grupo nga karon nagamugna ug kasamok sa pipila ka barangay dinhi sa Maitum… ang inyong gobyerno maoy amigo nga kasaligan sa katawhan nga gusto ug kaayuhan sa ilang minahal nga nasud… apan kini usab ang number one nga kaaway sa mga gustong mupatay sa soberinidad, kahapsay, kalinaw ug seguridad sa atong lungsod, probinsya ug nasud… sa prangka nga pagkasulti, ang Maitum ilalom karon sa usa ka kritikal nga sitwasyon… apan dili kana rason aron nga kita mahadlok… ginahimo sa inyong gobyerno ang tanang posible niining mahimo aron mubalik sa normal ang atong mga kinabuhi… kanunay kitang musandig sa wisdom sa panggamhanan aron ang nasugdang kalinaw dili mahanaw…

Si Gov. Migs naghatag ug mensahe sa iyang mga minahal nga kababayang Sarangans: ‘Mga kababayan nakong Sarangans, dinhi masukod ang atong dedikasyon nga pangita-on ang sustainable peace sa atong munisipalidad ug tibuok probinsya… wala kitay angayng kahadlukan apan kinahanglan kitang mahimong vigilant ug ihatag nato ang atong kooperasyon ngadto sa mga otoridad aron pabiling luwas ang atong kumunidad…’

Samtang anaa pa sa taas nga alerto ang atong munisipalidad, ginatambagan nako ang katawhan nga likayan usa ang pag-gawas gikan sa ilang panimalay… hugpungon nato ang tanang miyemro sa pamilya ug hi-usahon ang mga pag-ampo nga unta matapos na kining krisis ug mubalik na sa normal ang tanan…

Ginasukod karon ang tinuod nga karakter sa mga Maitumians… karon, kinahanglan kitang mukuha ug kusog sa usa ug usa… sa mga panahon nga susama niini, kinahanglan nga magmalig-on kitang tanan… magpabilin kitang kalmado ug dili matarog ug hapsayon nato ang atong mga huna-huna…

Nasayud ko nga kayang-kaya nato ni…”