“Kaganihang alas saes pasado sa buntag, nagpahigayon ug security patrol ang atong kapulisan kauban ang mga elemento sa 27th IB Philippine Army... kini human na-report ang usa ka kaso sa pagpamusil-patay sa barangay Ticulab nga diin pa usa ka civilian volunteer ang biktima… sa dihang padulong na sa crime scene ang atong mga otoridad, gi-ambush sila sa usa ka armadong grupo… nagka-sinukli-ay ug buto, usa sa mga rebelde ang napatay…
Salamat lang kay walay namatay sa tropa sa gobyerno gawas lang sa usa ka police nga naigo sa iyang kamot nga bahin… si Staff Sergeant Benly Rizano ang luwas na ug padayong gi-atiman karon sa Maitum Municipal Hospital…
Walay kamatuoran ang report nga ang usa ka 6x6 truck nga puno ug sundalo gitira ug RPG… base kini sa pagpaklaro ni Army Capt. Patricio Tomales sa 1002nd Brigade nga naka-base sa Sarangani Province… wala usab kamatuoran nga ang mga gikaingong rebelde adunay gatusan ka mga hostage nga mga residente sa Mindupok…
Pipila ka residente sa Brgy. Ticulab, Kalaong, ug Mindupok atong gipahiklin sa mga luwas nga evacuation areas… nagpadala kita ug medikal team aron makaatiman kanila…
Sa pagkakaron, padulong na sa normalidad ang sitwasyon… salamat sa inyong mga pag-ampo… atangi ang akong paghatud ug impormasyon sa mga musunod nga pipila ka gutlo… daghang salamat…
Subscribe to:
Post Comments (Atom)
.JPG)
No comments:
Post a Comment