“Hinay-hinay nang mikalma ang tensyon karon dinhi sa Maitum, ilabi na sa mga barangay nga una nang gika-report nga gihasi sa mga armadong grupo… hinuon, atong gina-alalayan ang atong mga kaigsoonan gikan sa Brgy. Ticulab, Kalaong ug Mindupok nga anaa karon sa atong gipangbutang nga mga evacuation centers… alang sa ilang seguridad, gipahiklin nato sila ug gi-atiman nato ang tanan nilang gikinahanglan… Walay angayng kabalak-an tungod kay anaa sila karon sa luwas ug maayong kahimtang…
Atong gimando ang double security dinhi sa atong lugar… gisiguro nato ang police visibility alang sa atong public market, terminals, mga balay-alampuanan ug uban pang mataong lugar… Mas makita karon ang siento porsiyentong presensya sa atong kapulisan ug militar…
Sa mga musunod nga oras, mas mu-normal na ang dagan sa atong munisipyo… normal ang dagan sa tanang buhatan sa gobyerno, normal ang atong patigayon ug komersyo… mamahimong normal ang sitwasyon tungod kay ang sitwasyon kontrolado na karon sa inyong gobyerno…
Ako, si Vice Governor Steve Solon, kauban ang inyong mga opisyales sa probinsya ug munisipalidad, mao mismoy muhatag ug klarong impormasyon ngadto sa publiko… hangyuon ko kamo nga dili dayon mu-too sa mga hilaw ug wala ma-biripikang impormasyon aron malikay ang walay kapuslanang pag-panic sa katawhan… hangyoon usab nako ang akong mga kababayan nga kung mahimo, likayan nato ang pagpakatag ug mga balita nga dili tinuod tungod kay makamugna kana ug kabalaka sa publiko… unta, mutabang na lang kita nga ma-stabilize ang sitwasyon…
Maghiusa kita, kayang-kayang natong malutsan kining krisis…”
Subscribe to:
Post Comments (Atom)
.JPG)
No comments:
Post a Comment